შოკოლადის ნამცხვარი

შემადგენლობა:

• 80 გრ ფქვილი
• 4 ც კვერცხი
• 120 გრ შაქარი
• 100 გრ შოკოლადი
• 5 ს.კ შინდის ჯემი
• ვანილი
• 500 გრ ნაღები
• 1/2 ს.კ სოდა
• 30 გრ კაკაო

მომზადება:

კვერცხის ცილა გათქვიფეთ 2 ს.კ თბილ წყალთან ერთად, ჩაამატეთ გულები, 80 გრ შაქარი, შემდეგ კი დააცერით ფქვილი, კაკაო და გამაფხვიერებელი.
ცომი გადაიტანეთ ქაღალდჩაფენილ, ცხიმწასმულ ყალიბში (დიდები რომ არის, ღუმელებს მოჰყვება ხოლმე) და 180 გრადუსზე აცხვეთ დაახლოებით 10-12 წუთი.
თუ რულეტს აკეთებთ, გამომცხვარი ბისკვიტი გადაიტანეთ სუფთა პირსახოცზე, ქაღალდიანი მხარით ზემოთ, მოაშორეთ ქაღალდი და პირსახოციანად გადაახვიეთ. თუ რულეტს არ აკეთებთ, მოაშორეთ ქაღალდი, გააცივეთ და 3 ან 4 თანაბარ ნაწილად გაჭერით.
ნაღები ათქვიფეთ, დაამატეთ დარჩენილი შაქარი ან შაქრის პუდრა და ვანილი. გაციებულ ბისკვიტზე წაუსვით თხლად ჯემი, შემდეგ კი კრემი.
შოკოლადი გაადნეთ ორთქლზე დაამატეთ 1 ჩ.კ კარაქი და 1 ჩ.კ წყალი ან რძე და მოასხით ნამცხვარს ზემოდან.
ჯემი უნდა იყოს ოთახის ტემპერატურის. თუ ძალიან სქელი კონსისტენციისაა და წასმა გიჭირთ, შეგიძლიათ ოდნავ შეათბოთ, წასმის შემდეგ გააგრილოთ და კრემი ისე დაადოთ.

X

წაიკითხეთ სხვაც

კექსი ნუშით და ქიშმიშით