სამარხვო სალათი ოსპით

შემადგენლობა:

• 1 ჭიქა გრძელი ბრინჯი
• 0,5 ჭიქა წითელი ოსპი
• 2 ცალი სტაფილო
• 1 კონა მწვანე ხახვი
• 2 თავი ხახვი
• 1 კონა კამა
• 1 ს.კ პაპრიკა
• 2-3 ს.კ მცენარეული ცხიმი
• ვაშლის ძმარი, მარილი, წიწაკა-გემოვნებით

მომზადება:

ოსპი მოხარშეთ და გადაწურეთ. ადუღებულ წყალში ნახევრად მოხარშეთ ბრინჯი, გადაწურეთ, მოიტოვეთ მისი ნახარში. 0.5 ჭიქა  ბრინჯის ნახარში ჩაასხით ქვაბში, ჩაამატეთ მარილი, 1ს.კ ცხიმი და როცა ადუღდება, დაამატეთ ბრინჯი, ზემოდან დააფარეთ ხელსახოცამოკრული თავსახური და დაბალ ცეცხლზე ხარშეთ, სანამ წყალს ბოლომდე დაიშრობს. სტაფილო მსხვილად გახეხეთ და წვრილად დაჭრილ ხახვთან ერთად 4 წუთის განმავლობაში ცხიმში მოშუშეთ, დაამატეთ პაპრიკა, დაჭრილი მწვანე ხახვი, მარილი, წიწაკა და 3-4 წუთი კიდევ შუშეთ. თეფშზე დადეთ ბრინჯი, ზედ მოათავსეთ ოსპი და მოასხით ცოტა ძმარი. ბოლო ფენად ისევ ბრინჯი, მორთეთ დაჭრილი კამით.

X

წაიკითხეთ სხვაც

კრაბის და კიტრის სალათი