ატმის ჟელე

ძალიან გემრიელი დესერტი ატმის მოყვარულთათვის!

ინგრედიენტები:

ატამი – 400 გ.

ლიმონის წვენი – 1 ს.კ.

შაქარი – 4 ს.კ.

ჟელატინი – 1 ს.კ.

სხვადასხვა ფერის ცუკატი – 100 გ.

მაწონი და იოგურტი – 1/2 ჩ.ჭ.

მომზადების წესი:

ატამს გამოაცალეთ კურკა, დაჭერით და ათქვიფეთ ბლენდერში. დაუმატეთ ლიმონის წვენი და 2 ს.კ. შაქარი. ჟელატინი დაალბეთ 1/2 ჩ.ჭ. ანადუღარ ცივ წყალში. შემდეგ წამოადუღეთ ორთქლზე და გაწურეთ. ატმის მასის ნახევარი შეურიეთ გამზადებული ჟელატინის ნახევარს და თანაბრად გაანაწილეთ ფორმაში; გააცივეთ 20 წთ. ცუკატი დაჭერით კუბიკებად და გაანაწილეთ გაცივებულ ატმის ჟელეზე. მაწონთან ერთად ათქვიფეთ დარჩენილი შაქარი და დაუმატეთ ატმისა და ჟელატინის მეორე ნახევარი. მაწვნიანი მასა ზემოდან მოასხით ცუკატს. გააცივეთ 1 საათი. სუფრასთან მიტანის წინ ფორმა რამდენიმე წამით ჩადგით ცხელ წყალში და გადმოიღეთ ლანგარზე. დაჭერით სასურველ ზომაზე.

X

წაიკითხეთ სხვაც

რულეტი