ცხელი შოკოლადი
შემადგენლობა:
- ცხელი შოკოლადი
- რძე – 300 მლ
- ნაღები 100 მლ
- შავი შოკოლადი – 150 გრ
- ვანილი – ½ ჩ.კ.
- დარიჩინი – 2 მწიკვი
- შაქარი – გემოვნებით
მომზადება:
ცხელი შოკოლადი, რომელიც ერთნაირად უყვართ როგორც ბავშვებს ასევე დიდებს, ერთ-ერთი საუკეთესო და შეუდარებელი სასმელია ცივ დღეებში. ხოლო სანელებლების დამატებით, ის გადაიქცევა საახალწლო სასმელად, რომელიც განსაკუთრებულ სადღესასწაულო განწყობას შეგიქმნით.
შოკოლადის ფილა რამოდენიმე საათით შევინახოთ საყინულეში და გამოვიღოთ უშუალოდ სასმელის მომზადების წინ. გაყინული შოკოლადი სასმელს განსაკუთრებულ არომატს აძლევს.
რძე დავდგათ ძალიან დაბალ ცეცხლზე, მივიყვანოთ ადუღებამდე (პირველი ბუშტების წარმოქმნამდე) და ჩავყაროთ დამტვრეული შოკოლადის ფილა. ვურიოთ სანამ შოკოლადი მთლიანად არ გადნება. დავამატოთ ნაღები და ვურიოთ სანამ არ მივიღებთ ერთგვაროვან მასას. დავამატოთ შაქარი, დარიჩინი და ვანილი. კარგად ავურიოთ და დავასხათ ჭიქებში.
ცხელი შოკოლადი
4.5 (89.41%) 17 vote[s]
ამ რეცეპტს აქვს 0 კომენტარი