ნამცხვარი ” ჩიტის რძე”

შემადგენლობა:

ცომისთვის:

• 2 კვერცხი, 1 ყავის ჭიქა ფქვილი
• 2 ყავის ჭიქა შაქრის ფხვნილი
• 1 ჩ.კ გამაფხვიერებელი

სუფლესათვის:

• 20 გრ ჟელატინი, 150 გრ კარაქი
• 5 კვერცხი, 0.5 ჭიქა რძე
• 1 ჭიქა  შაქრის ფხვნილი, 1ს.კ ფქვილი

მინანქრისთვის:

• 1 ჭიქა ნაღები, 35 გრ კარაქი
• 200 გრ შავი შოკოლადი

მოსართავად:

• 1 თეთრი შოკოლადის ფილა

მომზადება:

ცომის მოსამზადებლად კვერცხის ცილა ავთქვფოთ, დავუმატოთ შაქრის ფხვნილი, ფქვილი და გამაფხვიერებელი. აერღუმელი გავაცხელოთ 180 გრადუს ტემპერატურაზე და გამოვაცხოთ 15 წუთის განმავლობაში, შევამოწმოთ გამომცვარია თუ არა.

სუფლეს მოსამზადებლად ჟელატინი დავალბოთ 70 მლ წყალში. კვერცხის გული ავთქვიფოთ შაქრის ფხვნილის ნახევართან ერთად, დავუმატოთ ფქვილი, კარგად ავთქვფიოთ, შემდეგ დავუმატოთ რძე და დავდგათ წყლის ორთქლზე, განუწყვეტლივ ვურიოთ შესქელებამდე. გადმოვდგათ, გავაციოთ და დავუმატოთ ათქვეფილი კარაქი. ჟელატინი გავაცხელოთ სანამ გადნება. კვერცხის ცილა ავთქვიფოთ შესქელებამდე, დავამატოთ ჟელატინი და შაქრის ფხვნილის მეორე ნახევარი. ორივე მასა ავურიოთ და მოვასხათ ბისკვიტს. მაცივარში გავაჩეროთ 2-3 საათით.

მინანქრის მოსამზადებლად ნაღები გავაცხელოთ ( არ ავადუღოთ), დავუმატოთ კარაქი  და შოკოლადი, იქამდე ვურიოთ სანამ შოკოლადი დადნება. ტორტს ზედაპირზე მოვასხათ მინანაქარი, კვლავ შევდგათ მაცივარში 1 საათით. მოვრთოთ თეთრი გახეხილი შოკოლადით.

X

წაიკითხეთ სხვაც

კექსი ჯემით