ყაბაყის ნამცხვარი

შემადგენლობა:

•  125 გ დარბილებული კარაქი
• 150 გ ყავისფერი შაქარი
• 75 გ თეთრი შაქარი
•  3 კვერცხი
•  125 გ მაწონი
• 300 გ ფქვილი
•  2ჩ.კ ცომის საფხვიერებელი
•  3ს.კ კაკაოს პუდრა
•  1ჩ.კ დარიჩინი
• მარილი
• 1/2 ჩ.კ შაქრიანი ვანილი
• 3ს.კ შოკოლადის ბურბუშელა
• 400 გ ყაბაყი

მინანქრისთვის:

• 4 ს.კ ლიმონის წვენი
•  200 გ შაქრის პუდრა
• 2ს.კ კარაქი
• ცხიმი და დაფხვნილი ორცხობილა ფორმისთვის

მომზადება:

1. კარაქი და ორივე სახის შაქარი ათქვიფეთ ჰაეროვანი მასის მიღებამდე. თანდათან დაუმატეთ კვერცხი და მაწონი.
2. ერთმანეთს შეურიეთ ფქვილი, ცომის საფხვიერებელი, კაკაო, დარიჩინი, 1/2 ჩ.კ მარილი, შაქრიანი ვანილი და შოკოლადის ბურბუშელა. ფქვილიანი მასა შეურიეთ კვერცხიან მასას. გააცხელეთ ღუმელი 175 გრადუსამდე.
3. ყაბაყი გათალეთ, გახეხეთ და შეურიეთ ცომს. ფორმას წასუვით ცხიმი და მოაყარეთ დაფხვნილი ორცხობილა. ცომი ჩაასხით  ფორმაში და აცხვეთ 1 სთ.
4. შაქრის პუდრა გახსენით ლიმონის წვენში. გაადნეთ კარაქი და ლიმონის წვენს შეურიეთ. მინანქარი ფუნჯით წაუსვით მზა ნამცხვარს.

X

წაიკითხეთ სხვაც

კრემი რძით