თოლმა ფხალის ფოთლით

შემადგენლობა:

• 500 გრ კეჟერა ფხალის ფოთოლი
• 3 ც სტაფილო
• 2-3 ც ბულგარული წიწაკა
• 5-7 ც პომიდორი
• 100 გრ ბრინჯი
• 1 კონა ქინძი
• 1 კონა რეჰანი
• 2-3 კბილი ნიორი
• 4-5 ღერი მწვანე ხახვი
• 1 თავი ხახვი
• წიწაკა, მარილი, მცენარეული ცხიმი

მომზადება:

შეარჩიეთ  კეჟერა ფხალის ნედლი ფოთლები, გარეცხეთ, აათალეთ ძარღვები, თუ ფოთოლი დიდია, გაჭერით შუაზე.

გულსართი:

მოწალეთ ბრინჯი მაილიან წყალში, გადაავლეთ ცივი წყალი და მოათავსეთ საწურზე. გახეხილი ან წვრილად დაჭრილი სტაფილო, ბულგარული წიწაკა და ხახვი მოშუსეთ ცხიმში. დაამატეთ ერთი ცალი გახეხილი პომიდორი, წვრილად დაჭრილი მწვანილი, დანაყილი ნიორი, წიწაკა, მარილი. კარგად აურიეთ. გააჩერეთ ცეცხლზე 2-4 წუთი და გადმოდგით ცეცხლიდან, გააგრიელთ და

შეურიეთ ბრინჯი.კეჟერა ფხალის ფოთოლში გაახვიეთ გულსართ, ჩააწყვეთ ქვაბში. გახეხილი, ან დაჭრილი გაფცქვნილი პომიდორი დაასხით ტოლმას, დაამატეთ მარილი, წიწაკა და ცხიმი, დააფარეთ თეფში, ქვაბს-ხუფი და დადგით ნელ ცეცხლზე მოსახარშად( თუ პომიდვრის წვენი დააკლდა, ხარშვის დროს დაამატეთ მდუღარე წყალი). ფოთოლი რომ მოიხარშება, ტოლმა გადმოდგით ცეცხლიდან.

X

წაიკითხეთ სხვაც

შემწვარი ბრიუსელის კომბოსტო