ფუნთუშის კაცუნები

შემადგენლობა:

• 1 ბრიკეტი საფუარი
• 1/4 ნელთბილი რძე
• 500 გ ფქვილი
• 2 კვერცხი
•  100 გ დარბილებული კარაქი
• 60 გ შაქარი
• 1 მწიკვი მარილი
• 2 კვერცხის გული წასასმელად
• ქიშმიში მოსართავად
• პერგამენტი

მომზადება:

1. საფუარი გახსენით რძეში. შეურიეთ ერთმანეთს ფქვილი, კვერცხი, კარაქი, შაქარი, მარილი და დაუმატეთ საფუვრიანი რძე. მოზილეთ ერთგვაროვანი ცომი, დააფარეთ და დადგით ასაფუებლად თბილ ადგილას.
2. გააცხელეთ ღუმელი 200 გრადუსამდე. საცხობ ფირფიტაზე დააფინეთ პერგამენტი. ცომი გაყავით სამ ნაწილად.
3. თითოეული ნაჭრისგან საცხობ ფირფიტაზე კაცუნა გამოძერწეთ: ცომს თავის ნაწილი მოუმრგვალეთ და ტანი დაუბრტყელეთ, დანით ჩაწერით ფეხებისა და ხელების ადგილები და ტანს ცოტათი დააშორეთ, რომ ცხობისას კიდურები და ტანი არ გაერთიანდეს. წაუსვით კაცუნებს კვერცხის გული, ქიშმიშით თავზე თვალები, ტანზე კი ღილები გაუკეთეთ და აცხვეთ 20 – 25 წთ.

X

წაიკითხეთ სხვაც

ღვეზელი ნუთელას შიგთავსით