ხაჭოს ორცხობილები

შემადგენლობა:

• 3 ც კვერცხი
• ცოტა ვანილი
• 1 კგ ფქვილი
• 1 ჩ.კ სოდა
• 1 ქილა მაწონი
• 200 გრ მარგარინი
• 300 გრ ხაჭო
• 1/2 კგ შაქარი

მომზადება:

3 კვერცხი და შაქარი, ხაჭო, მარგარინი თანმიმდევრულად შევათქვიფოთ მიქსერით ერთმანეთს. სოდა ჩავყაროთ მაწონში, ავურიოთ და ჩავუმატოთ მიქსერით ათქვეფილ მასას. გავაგრძელოთ მიქსერით მორევა და ნელ-ნელა ჩავუმატოთ ფქვილი, სანამ არაჟანზე ოდნავ სქელ ცომს არ მივიღებთ. თასზე დავყაროთ ფქვილი და სადილის კოვზით ცომს ჩამოვაჭრათ პატარ-პატარა გუნდები. გუნდები ამოვავლოთ თასზე დაყრილ ფქვილში.

ფქვილში ამოვლებული ოდნავ გაბრტყელებული გუნდები დავალაგოთ მარგარინწასმულ ღუმელის ლანგარზე, შევდგათ ღუმელში და ვაცხოთ 250° C ტემპერატურაზე. 10-15 წუთში, როდესაც ნამცხვარი კარგად შეწითლდება, გამოვიღოთ ღუმელიდან და გავაგრილოთ.

X

წაიკითხეთ სხვაც

შოკოლადის ბურთულები ორცხობილით